Фэст сярэднявечнай культуры "Рубон 2017" у Полацку

У гэтыя фестывальныя дні з'яўляецца ўнікальная магчымасць дакрануцца да Сярэднявечча!

Ніводны горад Беларусі не мае такой багатай гісторыі, культурнай спадчыны, не зведаў такой велічы і славы і, разам з тым, вынішчэння ды заняпаду як Полацк. Дзе як не тут, у цэнтры зараджэння духоўнасці і культуры, трэба звяртацца да сваёй легендарнай мінуўшчыны, каб абудзіць у душах людзей гонар, павагу ды любоў да сваёй Радзімы, спадчыны, продкаў. Каб жыхары горада пазайздросцілі самі сабе, што нарадзіліся на такой вялікай зямлі, што ўвабрала ў сябе энергетыку адданых сваёй радзіме людзей.